（香港）《星球大戰：原力覺醒》今日在港正式上映，明日則在美國開畫，雖然香港未有公佈預售的票房數字，不過網上預售不少3D版場數都爆滿，美國方面更據綜藝報章The Hollywood Reporter引述業界消息人士指，新片還未上映，預售票房率先衝破一億美元大關，刷新好萊塢史上最高紀錄之餘，並預示首週末開畫票房很大機會再創佳績。前晚率先睇首映的星戰迷古天樂大讚《星7》追看性高值得再看，尤其有段感人父子情，追足前6集的游學修亦大讚值90分！

《星球大戰：原力覺醒》今日在港正式上映，預售票房非常理想，明日美國才開畫，據報在逾億美元預售票房中，佔了一半（約3.9億港元）或以上屬於首週末3日的場次，其餘則是本月下旬其他日子，當中又以聖誕假期為主。有傳電影公司要求院商承諾《星戰7》必須放映4至5個星期，保證雙方都有穩定票房收入。

古仔：會看多次

至於香港方面前晚已率先看《星戰7》首映的一班星戰迷藝人，古天樂完成慈善禮後急不及待入場，游學修與女友蘇麗珊以情侶裝拍拖捧場，蔡瀚億單拖現身，商台DJ Donald則Cosplay到場，最有心思。

他們睇完後有何觀後感呢？星級“星戰”鐵粉古天樂說：“好開心，好好睇，比想像中好好多，值得睇！我都會睇多次，因為追看性好高，好多伏線。而且以往故事多黑暗面，今集幾幽默，好多起伏因素，尤其戲裡有段父子情，好感人，一定要睇這一Part，加上今次有個BB8機械人，好得意。”

游學修：伏線鋪排吸引憑

電影《哪一天我們會飛》人氣急升的游學修，大讚今集《星戰7》值90分，他說：“星戰之前6集我都有睇，所以有期望。今集雖然轉了導演，不過他拍過好多大片，覺得他今次處理得好好，好擅長運用感情、人物出場位，現場好多觀眾都睇到歡呼，而且以前的星戰故事不算好勁，在當時的年代算做得好，今集的伏線鋪排得好吸引，是合共7集之中故事最好的一部，視覺上都有升級。”他稱唯一美中不足是片尾的鏡頭：“最後個鏡頭用航拍，好唔星戰，同朋友傾過，覺得非常多餘，睇起來好突兀。”結伴到場的女友蘇麗珊對影片傾向有好評？游學修說：“她好滿意，睇到好興奮，拍晒手，好鍾意機械人。”

游學修指事前與女友蘇麗珊重溫3集《星戰》，皆因女友從未看過。近來是否多了工作？游學修笑言：“之前是近乎無工作，所以絕對是多了工作。”（香港明報）